Hafa samband

Ráðningar starfsfólks og kjarasamningar

Starfsgreinasamband Íslands vill vekja athygli á grein sem birtist í nýjasta tölublaði Bændablaðinu, sem kom út s.l. fimmtudag. Í umræddri grein, sem ber yfirskriftina „Ráðningar starfsfólks og kjarasamningar“ vekur hagfræðingur Bændasamtaka Íslands athygli á þeim helstu atriðum sem bændur þurfa að huga að þegar að kemur að ráðningum og kjörum starfsfólks.


Átak í verðlagsmálum fer vel af stað

Átak verkalýðshreyfingarinnar í verðlagsmálum, undir yfirskriftinni „Vertu á verði“ hefur farið vel af stað. Átakið hófst 26. febrúar síðast liðinn og nú þegar hafa borist vel á annað hundrað ábendingar um óeðlilegar verðhækkanir inn á vefsíðu átaksins –www.vertuaverdi.is.

Starfsgreinasamband Íslands vill hvetja almenning til að standa saman og sporna gegn þeim óeðlilegu verðhækkunum sem dynja á landsmönnum um þessar mundir. Því er almenningur hvattur til að halda áfram að láta vita af óeðlilegum verðhækkunum með því að senda inn farsímamyndir eða skilaboð á vefsíðu átaksins. Sömuleiðis er hægt að láta vita af því sem vel er gert og vekja athygli á verðlækkunum.

Markmiðið með átakinu er tvíþætt: Annars vegar að veita verslunar- og þjónustuaðilum aðhald, hvetja þá til að sýna ábyrgð og stöðva verðhækkanir. Hins vegar að að brýna fyrir almenningi að vera á verði og fylgjast vel með þróun verðlags.


Ráðstefna um málefni ræstingarfólks

Starfsgreinasamband Íslands vill vekja athygli á að mánudaginn 18. mars næstkomandi mun Báran stéttarfélag standa fyrir ráðstefnu um málefni ræstingarfólks. Ráðstefnan verður haldin á Hótel Selfossi og stednur frá kl. 10:00 til 17:00. SGS hvetur starfsfólk í ræstingum sem og aðra áhugasama um að fjölmenna á ráðstefnuna, en hún er þátttakendum að kostnaðarlausu.

Dagskrá ráðstefnunnar má nálgast á vef Bárunnar – www.baran.is.


Málþing fræðslusjóðanna

Málþing fræðslusjóðanna Landsmenntar, Sveitamenntar og Ríkismenntar var haldið á Hótel Borgarnesi dagana 4. og 5. mars s.l. Þrátt fyrir töluverð forföll vegna veðurs var mæting býsna góð, en til málþingsins mætti starfsfólk aðildarfélaga SGS og áðurnefndra sjóða. Dagskrá málþingsins var þétt skipuð, en meðal dagskrárliða voru erindi frá Fræðslumiðstöð atvinnulífsins, kynning á starfi fræðslusjóðanna og kynning á stefnu SGS í fræðslumálum. Málþinginu lauk svo með hópavinnu og umræðum.


Mansal á vinnumarkaðnum

Það er talið að 17% mansalsfórnarlamba í heiminum séu þrælar á vinnumarkaði. Rúmlega 60% mansalsfórnarlamba eru í kynlífsánauð og 8% eru bæði í kynlífsánauð og vinnuafl í þrælkun. Líklegra er að konur séu í kynlífsánauð en hinsvegar eru karlar meirihluti þræla á vinnumarkaði. Þessar tölur gefa til kynna að verkalýðshreyfingin þarf að taka virkan þátt í að greina fórnarlömbin og vinna að úrræðum og upprætingu þrælkunarvinnu. Með aukinni alþjóðavæðingu hefur vandinn vaxið, þrælar hafa aldrei verið fleiri í heiminum (ekki einusinni þegar þrælasala var lögleg) og þeir hafa aldrei verið ódýrari.