Hafa samband

Árangur Íslands í algleymingi

Það er óhætt að segja að sigur Íslands á Englendingum á Evrópumótinu í knattspyrnu í gær hafið vakið athygli víða – eðlilega, enda um að ræða stórkostlegan árangur. Sigurinn virðist ekki hafa farið fram hjá systrafélögum SGS á Norðurlöndunum því í dag hefur hamingjuóskum rignt inn til SGS frá fjölda félögum þar sem íslenska liðið er lofsamað og hvatt áfram til frekari afreka.


Mansalsverkefni hlýtur styrk úr jafnréttissjóði

Þann 19. júní var úthlutað 100 milljónum úr jafnréttissjóði og hlaut verkefni sem Starfsgreinasambandið er í forsvari fyrir 2 milljónir. Verkefnið heitir „Gegn mansali – samvinna yfir landamæri“ og er markmið verkefnisins að auka þekkingu hér á landi á mansali, miðla þeirri vinnu sem unnin hefur verið síðustu tvö árin og styrkja tengsl við erlenda aðila til að auðvelda samstarf í framtíðinni.


Nýr kjarasamningur við NPA miðstöðina

Fyrr í dag undirritaði Starfsgreinasamband Íslands nýjan kjarasamning við NPA miðstöðina. Samningsviðræður hafa staðið yfir í dágóðan tíma og liggur mikil og góð samvinna samningsaðila að baki samningsins. Gildistími samningsins er frá 1. maí 2015 til 31. desember 2018 og tekur hann til vinnu félagsmanna aðildarfélaga SGS í störfum sem aðstoðarfólk fatlaðs fólks. Þá tekur samningurinn mið af aðalkjarasamningi SGS við Samtök atvinnulífsins og hefur sömu samningsforsendur og hann.


Framtíðin er björt!

Starfsgreinasambandið boðaði til fundar ungs fólks í tengslum við útvíkkaðan formannafund sambandsins í Grindavík í byrjun júní. Aðildarfélögum bauðst að senda tvo fulltrúa undir þrítugu og voru félögin hvött til þess að hafa fulltrúana af sitt hvoru kyninu. 19 manns tóku þátt í fundinum frá 10 aðildarfélögum sambandsins og var meðalaldur þátttakenda um 26 ár.


Barátta hótel- og veitingastarfsfólks í Noregi skilaði árangri

Nýlega átti hótel- og veitingastarfsfólk í Noregi og stéttarfélög þess í hörðum átökum við viðsemjendur sína vegna kröfu um hækkun lægstu launa. Eftir fjögurra vikna verkfall náðist loks samkomulag milli aðila um samningsrétt, hækkun launa og sérstaka hækkun lægstu launa.


Ályktanir frá formannafundi SGS

Tveggja daga útvíkkuðum formannafundi SGS lauk á hádegi í dag, en fundurinn var haldinn í Grindavík. Fundurinn ályktaði um þrjú mál; um keðjuábyrgð og hrakvinnu, um ungt fólk innan SGS og um samningsrétt. Ályktanirnar í heild má lesa hér að neðan.


Nýir kauptaxtar fyrir starfsfólk sveitarfélaga og ríkisins

Starfsgreinasambandið hefur gefið út nýja kauptaxta fyrir þá sem starfa hjá sveitarfélögum og ríkinu. Gildistími kauptaxtanna er frá 1. júní 2016 til 31. maí 2017.

Kauptaxtar SGS fyrir starfsfólk hjá ríkinu

Kauptaxtar SGS fyrir starfsfólk hjá sveitarfélögum