Hafa samband

Fundaherferð: Réttlátur vinnumarkaður – allra hagur

Fundaherferð ASÍ Réttlátur vinnumarkaður – allra hagur! hefst á Norðurlandi í næstu viku. Um er að ræða málþing þar sem rætt verður um stöðuna á vinnumarkaði með tilliti til undirboða og brotastarfsemi á hverju svæði fyrir sig. Þá verður spurningin „hvernig samfélag viljum við vera?“ rædd. Formenn aðildarfélaga Starfsgreinasambandsins taka þátt í fundunum með framsögum og umræðum og framkvæmdastjóri SGS tekur þátt í pallborðsumræðum í Skagafirði og á Akureyri.


Mynd af skipulagi stéttarfélaga

Starfsgreinasamband Íslands er stærsta landssambandið innan Alþýðusambands Íslands og er í raun regnhlífarsamtök fyrir verkalýðsfélög um allt land. Innan SGS eru 19 aðildarfélög en þessi aðildarfélög eru mörg hver líka með verslunarfólk, iðnaðarmenn og sjómenn innan sinna raða og eiga því aðild að fleiri landssamböndum. Til að skýra þessa flóknu mynd hefur SGS gefið út skýringamynd sem vonandi verður einhverjum að gangi.


Kvennabarátta er stéttabarátta

Til hamingju með daginn, konur og karlar sem láta sig jafnréttisbaráttu varða. Jafnrétti gagnast okkur öllum enda eru lífsgæði best þar sem mest er jafnrétti og jöfnuður.


Kjarabætur árið 2017

Nú er ljóst að kjarasamningum verður ekki sagt upp á þessu ári og því koma til framkvæmda þær launahækkanir sem samið var um í samningunum árið 2015. Starfsgreinasamband Íslands hefur útbúið einfalt kynningarefni um fyrirhugaðar hækkanir á almenna markaðnum og hinum opinbera. Þar er greint frá launahækkunum, hækkunum á orlofs- og desemberuppbótum, hækkunum á mótframlagi í lífeyrissjóði og hækkunum á kauptryggingu.

Sjá nánar hér: –launahaekkanir árið 2017