Hafa samband

Formannafundur SGS ályktar um húsnæðismál

Svohljóðandi ályktun var samþykkt á formannafundi SGS sem nú stendur yfir á Hótel Laugarbakka í Miðfirði:

Húsnæðisvandinn á Íslandi er alvarlegur og kemur verulega niður á lífsgæðum fólks sem er á leigumarkaði eða þarf að kaupa fasteignir dýru verði. Nánast um allt land vantar húsnæði og samhliða mannaflsfreku atvinnulífi stuðlar þetta að miklum húsnæðisvanda.


Nýr stofnanasamningur við Vatnajökulsþjóðgarð og Umhverfisstofnun

Fulltrúar Starfsgreinasambandsins hafa undirritað nýjan stofnanasamning við Vatnajökulsþjóðgarð og Umhverfisstofnun. Samningurinn hafði ekki verið endurnýjaður síðan árið 2010 og því var sannanlega kominn tími til. Með þessum samningi er sjónum beint að sívaxandi fjölda starfsfólks sem vinnur allt árið, enda er landvarsla og þjónusta við ferðafólk ekki einungis bundið sumarvertíðinni lengur.


Fræðsludagar á Hellu

Dagana 8. og 9. maí stóð Starfsgreinasambandið fyrir fræðsludögum fyrir starfsfólk aðildarfélaga sambandsins. Fólk kom saman á Hotel Stracta á Hellu og var mætingin með besta móti, en alls mættu 27 fróðleiksfúsir fulltrúar frá alls 15 félögum. 


Úttekt á öryggi vegavinnufólks

Starfsmenn Vegagerðarinnar fara ekki varhluta af vaxandi umferðaþunga á þjóðvegum landsins og hafa lýst áhyggjum af öryggi sínu við störf. Áhyggjur starfsmanna snúa að hávaðamengun, loftmengun og hreinlega að fólk virði ekki merkingar þegar fólk er við störf á vegum og hægi ekki á sér. Þetta setur starfsmenn við vinnu á vegum í mikla hættu. Starfsgreinasambandið sá ástæðu til þess í samráði við starfsmenn að óska eftir því við Vinnueftirlitið að úttekt yrði gerð á öryggi starfsfólks. Vonast er til þess að Vinnueftirlitið bregðist skjótt og örygglega við. Þá eru vegfarendur hvattir til að sýna fólki við störf virðingu og tillitssemi í umferðinni.


Nýir kauptaxtar komnir á vefinn

Nýir kauptaxta fyrir þá sem starfa á almenna markaðinum eftir samningi SGS og SA eru komnir á vefinn og má nálgast hér. Þessir kauptaxta gilda frá 1. maí 2017 til 30. apríl 2018. Samkvæmt töxtunum hækka launataxtar um 4,5% sem og laun og launatengdir liðir. Nýir kauptaxtar um kaup og kjör starfsmanna sem vinna almenn landbúnaðarstörf á bændabýlum eru nú einnig aðgengilegir á vefnum og má finna hér.


Ræða framkvæmdastjóra SGS 1. maí

Drífa Snædal, framkvæmdastjóri Starfsgreinasambandsins, flytur barátturæðu á 1. maí-hátíðarhöldum Drífanda stéttarfélags í Vestmannaeyjum í dag. Ræðuna í heild sinni má lesa hér að neðan.

……………….

Kæru félagar, til hamingju með daginn.

Það er mér einstök ánægja að koma hingað á þessum degi. Kynni mín af verkalýðsmálum hér eru á þann veg að ég veit að blóðið rennur vel í æðum verkafólks hér í Eyjum. Hér hef ég setið fjölmenna fundi á átakatímum og vitnað í skoðanir og tekið með mér brýningu í starfið á landsvísu.