Hafa samband

Þekkir þú réttindi þín og skyldur á vinnumarkaði?

Í byrjun árs 2016 hóf Starfsgreinasamband Íslands að halda úti mánaðarlegum kynningarherferðum í þeim tilgangi að upplýsa og fræða launafólk um réttindi sín og skyldur á vinnumarkaði. Í hverjum mánuði var eitt ákveðið þema í brennidepli og svokölluðum fræðslumolum deilt reglulega  á Facebook-síðu SGS.


Áhrif #metoo á vinnumarkaðinn

ASÍ-UNG efna til pallborðsumræðu um áhrif #metoo byltingarinnar innan vinnumarkaðarins og aðgerðir stéttarfélaga í þeim málum, þriðjudaginn 6. febrúar kl.20.00 í Stúdentakjallaranum.  #metoo byltingin hefur verið mikið í umræðunni undanfarið bæði hér á landi og um allan heim.


Atvinnuleysi var 3% í desember

Samkvæmt vinnumarkaðsrannsókn Hagstofu Íslands voru að jafnaði 201.700 manns á aldrinum 16–74 ára á vinnumarkaði í desember 2017, sem jafngildir 81,8% atvinnuþátttöku. Af þeim voru 195.600 starfandi og 6.100 án vinnu og í atvinnuleit. Hlutfall starfandi af mannfjölda var 79,3% og hlutfall atvinnulausra af vinnuafli var 3%.


Ný vefsíða um sjálfboðaliðastarfssemi í loftið

Ný vefsíða um sjálfboðaliðastarfssemi hefur litið dagsins ljós undir slóðinni www.volunteering.is. Á síðunni er m.a. að finna grunnupplýsingar um það hvernig vinnumarkaðurinn virkar á Íslandi og til hvaða stéttarfélag skal leita á því svæði sem viðkomandi hyggst vinna á. Þá er síðunni ætlað að veita þeim, sem hyggjast koma til landsins til sjálfboðastarfa, upplýsingar um sín réttindi og hvetja þau m.a. til að gera launakröfur.


Ályktun framkvæmdastjórnar um atvinnuleysisbætur og fæðingarorlof

Töluverður árangur náðist í síðustu kjarasamningum um að hækka lægstu laun þó betur megi ef duga skal, enda ná þau ekki enn lágmarksframfærsluviðmiðum. Ef tekið er mið af umsaminni hækkun sem kemur til framkvæmda í maí á þessu ári, verði samningum ekki sagt upp, hafa lágmarkslaun hækkað um 91% á áratug.


Áreitni á vinnustöðum, NEI TAKK!

Á morgun, 11. janúar, fer fram fundur undir yfirskriftinni Áreitni á vinnustöðum, NEI TAKK! Fundurinn er haldinn að frumkvæði stjórnar Vinnueftirlits ríkisins þar sem sæti eiga fulltrúar stærstu samtaka aðila vinnumarkaðarins auk fulltrúa ráðherra. Fundurinn fer fram á Grand Hótel Reykjavík kl. 8.00-10.30. Ekkert kostar á fundinn en skráning er nauðsynleg. Þá verður fundinum jafnframt streymt af heimasíðu Vinnueftirlitsins (www.vinnueftirlit.is).


Nýr upplýsinga- og ráðgjafavefur í loftið

Fræðslumiðstöð atvinnulífsins (FA) hefur sett nýjan upplýsinga- og ráðgjafavef í loftið undir heitinu Næsta skref.  Unnið var að þróun vefjarins í samvinnu við Sérfræðisetur í ævilangri náms- og starfsráðgjöf  og fleiri aðila árin 2012-2014 og var hann þá hluti af IPA-styrktu verkefni, sem FA stýrði, og bar heitið: Þróun raunfærnimats til að efla starfshæfni fullorðinna með litla formlega menntun.