Hafa samband

Kjarasamningum ekki sagt upp

Formannafundur ASÍ sem haldinn var fyrr í dag, 28. febrúar 2018, samþykkti í atkvæðagreiðslu að segja ekki upp kjarasamningum. Alls greiddu 49 atkvæði en þeir voru með 79.062 félagsmenn (heilsársstörf) á bak við sig.


Aðgengi fullorðinna að námi á framhaldsskólastigi

Í greininni „Aðgengi fullorðinna að námi á framhaldskólastigi“ sem birtist nýlega í Tímariti um uppeldi og menntun kemur í ljós að helsta hindrun nemenda er fjármögnun námsins og hversu flókið er að samþætta fjölskyldulíf og vinnu með námi. Upplýsingar um nám og fjárstuðning eru oft óljósar og almenningur veit lítið um þá þjónustu sem í boði er hjá símenntunarmiðstöðvum og hvaða rétt námið þar veitir til dæmis til frekara náms.


Leiðréttir kauptaxtar fyrir starfsfólk ríkisins

Eins og áður hefur verið greint frá þá var skrifað undir samkomulag í desember síðastliðinn um launaþróunartryggingu vegna starfsfólks hjá ríkinu, en samkvæmt tryggingunni hækka laun ríkisstarfsmanna innan aðildarfélaga SGS um að meðaltali 1,8% afturvirkt frá 1. janúar 2017. Síðastliðinn föstudag undirritaði SGS svo samkomulag við ríkið um hvernig hækkunin verður nýtt.


Laun ríkisstarfsmanna hækka um 1,8% afturvirkt

Laun þeirra ríkisstarfsmanna sem eru í aðildarfélögum Starfsgreinasambands Íslands fá nú í fyrsta sinn svokallaða launaskriðstryggingu sem gefur að meðaltali 1,8% hækkun á laun afturvirkt frá 1. janúar 2017. Leiðréttingin kemur til útborgunar á flestum stöðum þann 1. mars. Þetta er gert á grundvelli rammasamkomulags í tengslum við síðustu kjarasamninga til að tryggja að launaskrið á almenna vinnumarkaðnum nýtist líka starfsfólki hjá hinu opinbera.


Námskeiðið “Ungir leiðtogar”

Ungir leiðtogar er námskeið sem ætlað er ungu fólki. Markmiðið er að fræða um verkalýðshreyfinguna og efla ungu fólk sem leiðtoga hvort sem er á vinnustaðnum eða á breiðari vettvangi. Námskeiðið er sniðið að ungum félögum í verkalýðshreyfingunni; trúnaðarmönnum, starfsmönnum stéttarfélaga og ungu fólki í trúnaðarráðum.


Fræðsludagar starfsfólks stéttarfélaganna

Dagana 12. og 13. febrúar stóð Starfsgreinasambandið fyrir fræðsludögum fyrir starfsfólk aðildarfélaga sambandsins, en þetta var í fimmta sinn sem SGS stendur fyrir viðburði sem þessum. Að þessu sinni fóru fræðsludagarnir fram á Hótel Bifröst, þar sem gestir dvöldu í góðu yfirlæti og fallegu umhverfi. Tæplega 30 einstaklingar höfðu boðað komu sína, en vegna veðurs þá forfölluðust nokkrir úr hópnum.


23 daga átak ITUC gegn kynbundnu ofbeldi

Alþjóða heilbrigðisstofnunin (WHO) telur að 35% kvenna yfir 15 ára aldri, alls 818 milljónir kvenna í heiminum öllum, hafi upplifað kynferðislegt ofbeldi, heimilisofbeldi eða ofbeldi á vinnustað. Þetta er óásættanleg staða og því hefur Alþjóðasamband verkalýðsfélaga (ITUC) blásið til 23 daga átaks til að vekja athygli á málinu.


Starfsþróun metin til launa hjá sveitarfélögunum

Við gerð síðustu kjarasamninga Starfsgreinasambands Ísland og Samband íslenskra sveitarfélaga var samþykkt að veita 2% persónuálag vegna starfsþróunarnámskeiða skv. grein 10.2.1 sem gildir frá 1. janúar 2018. Skipuð var Starfsþróunarnefnd sem hefur nú birt reglur og lista yfir starfstengd námskeið sem nefndin staðfestir að uppfylli skilyrði um ávinnslu persónuálags.