29. janúar 2020
Upplýsingasíða um nýjan kjarasamning við sveitarfélögin
Starfsgreinasambandið hefur útbúið upplýsingasíðu þar sem sjá má hvað nýr kjarasamningur við sveitarfélögin inniheldur. Á síðunni er m.a. hægt kynna sér helstu atriði samningsins, samninginn í heild sinni og upplýsingar um atkvæðagreiðsluna.
28. janúar 2020
Samið við Landsvirkjun
Starfsgreinasambandið og Landsvirkjun skrifuðu undir nýjan kjarasamning milli aðila í gær. Kjarasamningurinn byggir í meginatriðum á kjarasamningi milli SGS og Landsvirkjunar sem undirritaður var 3. apríl 2019.  Samningurinn nær til félagsmanna innan aðildarfélaga SGS sem starfa hjá Landsvirkjun vítt og breytt um landið. Í samningnum er m.a. tekið á vinnutímastyttingu, ákvæðum um nám og námskeið og breytingum á launatöflu.
27. janúar 2020
Fréttir af samningamálum
Eins og fram hefur komið skipuðu aðilar á opinbera vinnumarkaðnum sérstakan vinnuhóp til að ræða vaktavinnu í tengslum við yfirstandandi kjaraviðræður. Markmið hópsins er að leggja fram heildstæðar breytingar á fyrirkomulagi vaktavinnu sem taki á núverandi fyrirkomulagi og bregðist við margvíslegum vandamálum sem eru í því.
23. janúar 2020
SGS vísar kjaradeilu við ríkið til sáttasemjara
Viðræðunefnd Starfsgreinasambands Íslands, vegna kjarasamninga við Fjármálaráðherra f.h. Ríkissjóðs, samþykkti á fundi í dag, fyrir hönd 18 aðildarfélaga,  að vísa kjaradeilunni til Ríkissáttasemjara.
21. janúar 2020
Eru umhverfisstefnur hótela svindl?
Þing Samtaka starfsfólks á hótelum og í ferðaþjónustu á Norðurlöndum var haldið í Reykjavík daganna 17. – 19. janúar. Á þinginu var farið yfir fjölmarga þætti sem varða laun og starfsaðstæður í hótel- og veitingageiranum á Norðurlöndum. Það eru mismunandi verkefni og ógnanir sem stéttarfélög og starfsmenn standa frammi fyrir í einstökum löndum, en verkefnin eru alltaf þau sömu, þ.e. að tryggja hag félagsmanna í sífellt alþjóðlegra umhverfi þar sem ýmsum brögðum er beitt af hálfu atvinnurekenda.