Aðalfundur Verkalýðs- og sjómannafélags Bolungarvíkur var haldinn í húsakynnum félagsins þann 19. júní síðastliðinn. Fyrir utan hefðbundin aðalfundarstörf áttu sér stað formannaskipti í félaginu. Lárus Benediktsson lét af embætti eftir að hafa gengt hefur formennsku í félaginu í 17 ár og við tók Hrund Karlsdóttir. Enginn bauð sig fram á móti Hrund til formanns félagsins og var hún því sjálfkjörin. Hrund hefur setið í stjórn félagsins undanfarin tvö ár og hefur starfað við gæðaeftirlit og útflutning á rækju síðastliðin 20 ár. Aðspurð segir Hrund að henni lítist vel á nýja starfið og hlakki mikið til að takast á við þau fjölmörgu verkefni sem bíða hennar. Starfsgreinasambandið býður Hrund velkomna í formannahóp sambandsins og hlakkar til samstarfsins á komandi árum og þakkar í leiðinni Lárusi Benediktssyni fyrir farsælt og gott samstarf í gegnum árin. [caption id="attachment_119241" align="aligncenter" width="169"] Hrund Karlsdóttir[/caption]