Nýr kjarasamningur við Landsvirkjun
Starfsgreinasambandið hefur undirritað nýjan kjarasamning við Landsvirkjun sem gildir frá 1. mars síðastliðnum til ársloka 2018. Samningurinn gildir fyrir sumarstarfsfólk í dreifikerfum og á aflstöðvum Landsvirkjunar svo og matráða, ræstingafólk, bílstjóra og tækjamenn á aflstöðvum.
Samningurinn er á sömu nótum og undirritaðir samningar á hinum almenna vinnumarkaði en þó voru ferðalaun sett inn í grunntaxta starfsfólks á aflstöðvum eins og tíðkast hefur innan Landsvirkjunar hingað til. Í kjarasamningnum er einnig fjallað um rétt starfsfólks á viðtali við yfirmann vegna starfskjara og möguleika á launaflokkahækkun vegna náms.
Næstu skref er að leggja samninginn fyrir starfsfólk sem eru félagsmenn aðildarfélaga SGS í atkvæðagreiðslu. Póstatkvæðaseðlar verða sendir út á næstu vikum.
Samninginn í heild má sjá hér.
Myndin hér að neðan er af fulltrúum LV og SGS við undirritun samningsins. Frá vinstri: Elín Pálsdóttir og Sturla Jóhann Hreinsson frá Landsvirkjun og Hjördís Þóra Sigurþórsdóttir og Halldóra Sigríður Sveinsdóttir frá SGS: