Vel heppnaður fræðslufundur
Í gær stóðu Starfsgreinasamband Íslands (SGS) og Samtök Fiskvinnslustöðva (SF) fyrir fræðslufundi um afkastahvetjandi launakerfi í fiskvinnslum. Að þessu sinni var fundurinn haldinn í húsakynnum Einingar-Iðju á Akureyri. Fundinn sóttu rúmlega 10 trúnaðarmenn sem starfa í fiskvinnslum á Akureyri, Dalvík, Sauðárkróki og víðar. Áður höfðu sambærilegir fundir verið haldnir bæði í Vestmannaeyjum og í Reykjavík.
Á fundinum fór Bragi Bergsveinsson, fyrrverandi tæknifræðingur SF til fjölda ára, yfir sögu launakerfanna, uppbyggingu á staðaltíma auk þess að fara ýtarlega yfir þau launakerfi sem notuð eru í fiskvinnslum landsins. Fundurinn þótti takast afar vel, enda voru þátttakendur mjög áhugasamir um efnið og tóku virkan þátt í þeim umræðum sem sköpuðust.