Það hefur varla farið fram hjá neinum að í gær og í dag (6. og 7. maí) eru um 10.000 félagsmenn 16 aðildarfélaga SGS í verkfalli. Talið er að verkfallið snerti rúmlega 1.500 fyrir á landsbyggðinni og hefur áhrifanna gætt víða, meðal annars í kjöt- og fiskvinnslu, ferðaþjónustu, flutningum og byggingastarfsemi. Talið er að áhrifin af verkfallinu sem nú stendur yfir séu talsvert meiri en af hálfsdagsverkfallinu í síðustu viku. Verkfallsverðir á vegum stéttarfélaganna eru í stöðugu eftirliti á vinnustöðum til gæta þess að verkfallinu sé framfylgt skv. lögum og reglum. Ásamt því sinna þeir mikilvægri upplýsingaskyldu, enda brenna ýmsar spurningar á vörum fólks varðandi verkfallið. Nokkrum sinnum hafa verkfallsverðir þurft að grípa inn og nokkur verkfallsbrot hafa komið upp, en heilt yfir hefur verkfallsvarslan gengið vel.