Hafa samband

Vignir Smári Maríasson nýr formaður Verkalýðsfélags Snæfellinga

Á aðalfundi Verkalýðsfélags Snæfellinga sem haldinn var 15. apríl síðastliðinn tók Vignir Smári Maríasson við starfi formanns félagsins af Sigurði A. Guðmundssyni.

Vignir er fæddur og uppalinn á Felli í Árneshreppi, bjó í Grindavík um árabil en síðastliðinn 28 ár hefur hann verið búsettur í Grundarfirði ásamt konu sinni 0g börnum. Vignir vann ýmis verkamannastörf á sínum yngri árum, var til sjós í nokkur ár en undanfarin ár hefur hann starfað sem verkamaður, vélamaður og bílstjóri. Aðspurður hvernig hafi komið til þess að hann tæki við formennsku í félaginu segir hann aðdragandann hafa verið fremur stuttan. “Mér var bent á í haust að Sigurður væri að hætta og sá ég þetta sem kjörið tækifæri fyrir mig til að vinna í verkalýðsmálum í stað þess að tala bara um hlutina í kaffipásum.”

Starfsgreinasambandið býður Vigni velkominn í formannahóp sambandsins og þakkar um leið Sigurði, fráfarandi formanni, fyrir samstarfið í gegnum árin.

Vignir Smári Maríasson