Réttur launafólks til greiðslu launa í forföllum vegna sjúkdóma og slysa sem atvinnurekandi ber ekki ábyrgð á, er eitt það mikilvægasta sem áunnist hefur í kjarabaráttu verkalýðshreyfingarinnar. Lágmarksreglur um veikinda- og slysarétt launafólks er að jafnaði að finna í lögum, en við þann rétt er aukið með ákvæðum kjarasamninga.
Á hverju 12 mánaða tímabili á launafólk rétt til launa í veikinda- og slysatilfellum skv. töflunni hér að neðan. Réttindin miðast við samfellt starf hjá sama atvinnurekanda, sbr. þó ákvæði kjarasamninga um áunnin réttindi.
| Starfstími | Lengd | Laun |
|
Á fyrsta starfsári |
2 dagar fyrir hvern unninn mánuð |
Staðgengilslaun |
|
Eftir 1 ár |
1 mánuður | Staðgengilslaun |
|
Eftir 2 ár |
2 mánuðir |
1 mán. staðgengilslaun |
|
Eftir 3 ár |
3 mánuðir | 1 mán. staðgengilslaun 2 mán. dagvinnulaun |
|
Eftir 5 ár |
4 mánuðir |
1 mán. staðgengilslaun 1 mán. fullt dagvinnukaup 2 mán. dagvinnulaun |
Eftir 5 ára starf hjá sama fyrirtæki heldur starfsfólk hluta af veikindarétti sínum þó það fari til annarra starfa.
Veikindaréttur er heildarréttur á hverju 12 mánaða tímabili.
Sjá nánar í 8. kafla í kjarasamningi SGS og Samtaka atvinnulífsins.