Kjarasamningur SGS og SÍS 2023 - 2024

Rafræn atkvæðagreiðsla um kjarasamninginn stóð yfir frá 14. til 26. september.

• Samningurinn er framlenging á síðasta kjarasamningi sem gildir til 30. september. Nýundirritaður samningur gildir frá 1. október 2023 til 31. mars 2024.
• Viðræðum um önnur atriði en launalið er frestað, en hækkanir til SGS-félaga eru þegar komnar inn í launatöflu frá 1. janúar 2023.
• Ný launatafla með starfaröðun upp í launaflokk 200 mun taka gildi frá 1. október.
• Hagvaxtarauki hefur verið reiknaður inn í nýja launatöflu.
• Persónuuppbót 1. desember 2023 verður 131.000 kr. miðað við 100% starfshlutfall á samningstímanum (var 124.750 kr. árið 2022).
• Samkomulag um viðbótarlaun á einstök starfsheiti í leikskólum og heimaþjónustu sem taka gildi frá 1. október 2023. Sem dæmi þá nemur hækkun hjá starfsmanni/leiðbeinanda í leikskóla 39.270 kr., en til að eiga rétt á þessari greiðslu þarf viðkomandi að vera í föstu starfshlutfalli í dagvinnu og matast með börnum.
• Sérstakar launauppbætur koma á lægstu laun, þ.e. launaflokka frá 117-130, sem er í samræmi við aðra samninga sem gerðir hafa verið við Samband íslenskra sveitarfélaga að undanförnu. Hæsta greiðslan er á launaflokk 117 eða 19.500 kr. en lægsta greiðslan á launaflokk 130 eða 2.600 kr. Þessar sérstöku greiðslur gilda afturvirkt frá 1. apríl.
• Vaktaálag breytist þannig að á þeim tímum sem er greitt 90% álag verður greitt 120% álag og á þeim tímum sem er greitt 120% álag verður greitt 165% álag.
• Ýmsar breytingar eru gerðar á umhverfi vaktavinnufólks og má í því samhengi nefna að nú verður vaktahvatanum ætlað að tryggja jafnari vaktahvata til handa þeim hópi sem er með mestan fjölda og fjölbreytileika vakta á hverju launatímabili.

Eftirtalin 18 félög eiga aðild að samningnum:

• AFL Starfsgreinafélag
• Aldan stéttarfélag
• Báran stéttarfélag
• Drífandi stéttarfélag
• Eining-Iðja
• Framsýn stéttarfélag
• Stéttarfélagið Samstaða
• Stéttarfélag Vesturlands
• Verkalýðs- og sjómannafélag Bolungarvíkur
• Verkalýðs- og sjómannafélag Keflavíkur og nágrennis
• Verkalýðs- og sjómannafélag Sandgerðis
• Verkalýðsfélag Akraness
• Verkalýðsfélag Grindavíkur
• Verkalýðsfélag Snæfellinga
• Verkalýðsfélag Suðurlands
• Verkalýðsfélag Vestfirðinga
• Verkalýðsfélag Þórshafnar
• Verkalýðsfélagið Hlíf