Líkt og áður hefur komið fram þá ákváðu stærstu landssambönd launafólks á vinnumarkaði, Starfsgreinsamband Íslands (SGS) og Landssamband íslenzkra verzlunarmanna (LÍV), að taka höndum saman í viðræðum við Samtök atvinnulífsins um nýjan kjarasamning.

Forystufólk úr þessum samböndum fundaði sameiginlega í fyrsta skipti með Samtökum atvinnulífsins í gær. Aðilar eru sammála um að funda þétt næstu vikurnar með það að markmiði að ganga frá nýjum kjarasamningi.

Á myndinni sem tekin var við þetta tækifæri eru frá vinstri:

Guðbjörg Kristmundsdóttir, formaður VSFK
Hjördís Þóra Sigþórsdóttir, formaður AFLs starfsgreinafélags
Eiður Stefánsson, formaður FVSA
Björn Snæbjörnsson, formaður Einingar-Iðju
Ragnar Þór Ingólfsson, formaður LÍV og VR
Vilhjálmur Birgisson, formaður SGS og VLFA