Sérkjarasamningar SGS
Sérkjarasamningur er samningur sem gerður er á milli eins eða fleiri stéttarfélags við eitt eða fleiri fyrirtæki í sömu atvinnugrein. Þessir samningar ná oftast til afmarkaðra þátta eins og vinnuaðstæðna og vinnutíma og í þeim er gjarnan vísað til aðalkjarasamninga varðandi aðra þætti.
Starfsgreinasambandið gerir fimm sérkjarasamninga fyrir hönd aðildarfélaga sinna og byggir heildarútgáfa fjögurra þeirra á aðalkjarasamningi SGS og Samtaka atvinnulífsins.
Landssamband smábátaeigenda og Samtök smærri útgerða
Samningurinn gildir um starfsmenn sem vinna við uppstokkun eða beitningu í landi annarra en þeirra sem eru hlutaráðnir, enda gilda þar ákvæði sjómannasamninga. Samningurinn gildir jafnframt fyrir starfsmenn sem starfa við netavinnu.
Bændasamtök Íslands
Samningurinn gildir um starfsfólk sem vinnur almenn landbúnaðarstörf á bændabýlum. Auk þess falla ráðskonur/matráðar á bændabýlum undir samninginn. Starfsmenn sem starfa við ferðaþjónustu í smærri stíl geta fallið undir gildissvið samningsins ef það er samþykkt af hálfu viðkomandi stéttarfélags.
Flugleiðahótel ehf.
Samningurinn gildir um kaup og kjör starfsfólks á Edduhótelum sem vinna eftir hlutaskiptakerfi.
Landsvirkjun
Samningurinn gildir um kaup og kjör starfsfólks sem starfar við rekstur, viðhald og aðra þjónustu í dreifikerfum og aflstöðvum Landsvirkjunar sem eru í rekstri.
NPA miðstöðin
Samningurinn gildir um kaup og kjör aðstoðarfólks fatlaðs fólks.