Öll 19 aðildarfélög Starfsgreinasambands Íslands eiga fulltrúa á formannafundi SGS sem haldinn er í Kjaralundi á Akureyri 7. september 2018. Á fundinum er farið yfir verkefni vetrarins, kjaramál, fræðslumál og einstaka verkefni. Sérstaklega verður beint sjónum að eftirlitsstarfsemi stéttarfélaganna og átaksverkefnum á þeim vettvangi. Formannafundurinn að þessu sinni er haldinn í tengslum við Lýsu - rokkhátíð samtalsins og taka formenn þátt í setningu þeirrar hátíðar um hádegisbil.