Nýjar reiknivélar

Starfsgreinasambandið hefur útbúið nýjar reiknivélar sem félagsmenn og aðrir geta nýtt að vild. Reiknivélarnar eru settar upp í hugbúnaðarlausninni GRID sem hjálpar til við að birta töluleg gögn með aðgengilegum og skilvirkum hætti. Reiknivélarnar eru 10 talsins og eiga fleiri eftir að bætast við innan tíðar meðfram þróun á þeim sem fyrir eru. Með reiknivélunum geta notendur m.a. fundið út laun skv. kauptöxtum, séð sínar kjarasamningsbundnu hækkanir og hvaða áhrif þær hafa á launin, reiknað út orlofsuppbót o.fl.

Reiknivélunum er skipt eftir því hvort fólk starfar á almennum vinnumarkaði, hjá sveitarfélögum eða ríki. Eins og áður sagði þá munu fleiri reiknivélar bætast við, t.a.m. þegar nýir samningar á opinberum vinnumarkaði líta dagsins ljós.

Hafa skal í huga að reiknivélar SGS eru einungis til viðmiðunar og með fyrirvara um mögulegar reiknivillur. Allar ábendingar varðandi reiknivélarnar eru vel þegnar og skulu þær berast á netfangið arni@sgs.is.

Skoða reiknivélar SGS

  1. 5/24/2024 9:51:18 AM Nýr kjarasamningur SGS og Bændasamtaka Íslands
  2. 5/24/2024 9:46:25 AM Nýr kjarasamningur vegna NPA-aðstoðarfólks
  3. 4/30/2024 2:50:44 PM Fjölbreytt dagskrá um land allt á baráttudegi verkalýðsins
  4. 4/29/2024 3:05:43 PM Orlofsuppbót/ persónuuppbót 2024