SGS vísar kjaradeilu við ríkið til ríkissáttasemjara

Starfsgreinasamband Íslands (SGS) telur einsýnt að ekki verði komist lengra í viðræðum við samninganefnd ríkisins vegna endurnýjunar kjarasamnings SGS og fjármála- og efnahagsráðherra f.h. ríkissjóðs sem rann út 31. mars 2023. Samningsaðilar hafa á undanförnum vikum átt fjölmarga fundi þar sem SGS hefur komið kröfum sínum málefnalega á framfæri við samninganefnd ríkisins, en án árangurs.

Í ljósi þess hversu langt er á milli aðila lítur SGS svo á að ekkert annað sé í stöðunni en að vísa deilunni til ríkissáttasemjara. Jafnframt var farið fram á það við ríkissáttasemjara að hann boði til fundar eins fljótt og auðið er, enda óásættanlegt að launafólk bíði mánuðum saman eftir sanngjörnum kjarabótum.

  1. 9/14/2023 12:38:57 PM Nýr kjarasamningur við Samband íslenskra sveitarfélaga
  2. 9/13/2023 10:52:49 AM Formannafundur SGS í Reykjanesbæ
  3. 8/30/2023 4:13:06 PM Fræðsludagar og formannafundur í Reykjanesbæ
  4. 6/21/2023 10:39:24 AM Nýr kjarasamningur við ríkið samþykktur