Sigríður Jóhannesdóttir tók við starfi formanns Verkalýðsfélags Þórshafnar á aðalfundi félagsins sem haldinn var í gærkvöldi. Sigríður, sem hefur verið starfsmaður hjá félaginu undanfarin misseri, tekur við embættinu af Svölu Sævarsdóttur sem gaf ekki kost á sér til áframhaldandi formennsku. Svala verður hins vegar áfram í stjórn félagsins. Auk hennar verða í aðalstjórn Hulda I. Einarsdóttir, Sigríður Jónsdóttir og Ari Sigfús Úlfarsson. Starfsgreinasambandið býður Sigríði velkomna í formannahóp sambandsins og hlakkar til samstarfsins á komandi árum og þakkar í leiðinni Svölu Sævarsdóttur fyrir farsælt og gott samstarf í gegnum árin.   [caption id="attachment_216723" align="aligncenter" width="300"] Sigríður Jóhannesdóttir (til vinstri) ásamt Guðnýju Þorbergsdóttur.[/caption]