Um þessar mundir stendur Varða – Rannsóknastofnun vinnumarkaðarins fyrir könnun um stöðu launafólks á Íslandi, en þetta er þriðja árið í röð sem slík könnun er gerð. Meginmarkmið könnunarinnar er að varpa ljósi á fjárhagslega stöðu og heilsu launafólks á Íslandi sem og réttindabrot á vinnumarkaði. 

Framkvæmd könnunarinnar er alfarið í höndum Vörðu, sem sér um hönnun spurninga, uppsetningu, framkvæmd og úrvinnslu á niðurstöðum.

• Það tekur um 15 mínútur að svara könnuninni.
• Ekki er hægt að rekja svör til einstaklinga. 
• Könnunin verður opin í tvær vikur og hægt er að svara henni í síma, spjaldtölvu eða tölvu.
• Könnunin opnar fimmtudaginn 9. febrúar og verður lokað miðvikudaginn 22. febrúar.
• Könnunin er á þremur tungumálum, þ.e. á íslensku, ensku og pólsku.
• Þrír þátttakendur vinna 40.000 kr. gjafakort fyrir þátttökuna.

SGS hvetur sem flesta félagsmenn til að taka þátt í könnuninni, enda er mikilvægt að fá sjónarmið sem flestra til að niðurstöðurnar nýtist sem best við að móta og styðja við kröfur verkalýðshreyfingarinnar.