Næstkomandi föstudag (10. október) mun standa Starfsgreinasambandið, Efling stéttarfélag, Alþýðusamband Íslands, Jafnréttisstofa og Kvennasögusafn Íslands standa fyrir málþingi í Iðnó í tilefni af 100 ára afmæli Verkakvennafélagsins Framsóknar. Á ráðstefnunni verður sjónum beint að baráttu verkakvenna á síðustu öld og stöðu þeirra í dag, en yfirskrift ráðstefnunnar er Verkakonur í fortíð og nútíð. Á dagskrá verða fjölmörg áhugaverð erindi og má þar á meðal nefna erindi frá Jóhönnu Sigurðardóttur, fyrrverandi forsætisráðherra. Tekið skal fram að ráðstefnan er opin öllum og ekki nauðsynlegt að skrá sig sérstaklega. Dagskrá

12:30	Húsið opnar -  Myndasýning og harmónikkuleikur
13:00	Setning - Sigurður Bessason, formaður Eflingar-stéttarfélags
13:10	Af hverju sérfélög verkakvenna á Íslandi? - Dr. Sumarliði Ísleifsson, sagnfræðingur
13:30	Sambland af sælu og kvöl - Jóhanna Sigurðardóttir, fyrrverandi forsætisráðherra
13:50	Pallborðsumræður - Horft um öxl - Fyrrverandi stjórnarkonur í Verkakvennafélaginu Framsókn
14:30	Kaffi
14:50	Kynjamyndir: Umönnun og ræstingar eða sjórinn og álið? - Drífa Snædal, framkvæmdastjóri SGS
15:10	Pallborðsumræður – Staða verkakvenna í dag
	Kristín Ástgeirsdóttir, jafnréttisstýra
	Sigurrós Kristinsdóttir, varaformaður Eflingar-stéttarfélags
	Halldór Grönvold, aðstoðarframkvæmdastjóri ASÍ
15:50	Ráðstefnuslit - Signý Jóhannesdóttir, varaforseti ASÍ
Ráðstefnustjóri: Auður Styrkársdóttir, forstöðukona Kvennasögusafns Íslands