Dagana 10. og 11. september heldur Starfsgreinasambandið formannafund og verður hann að þessu sinni haldinn á Hótel Héraði á Egilsstöðum. Um er að ræða útvíkkaðan fund, þ.e.a.s. til fundarins eru boðaðir formenn aðildarfélaga SGS auk eins fulltrúa til viðbótar frá hverju félagi. Ýmis mál eru á dagskrá fundarins, m.a. umræða stöðuna á kjara- og samningamálum, nýlegar niðurstöður gerðardóms og undirbúningur fyrir afmælisþing SGS sem fer fram í október næstkomandi.  Meðal annarra dagskrárliða má nefna kynningu á atvinnulífi á Austfjörðum og umræður um áhrif innflutningsbanns Rússa á landvinnslufólk. Gert er ráð fyrir að fundurinn standi frá kl. 09:00 á fimmtudeginum og ljúki um kl. 11:00 á föstudeginum.