Norræn ráðstefna gegn staðalmyndum og kynferðislegri áreitni innan hótel-, veitinga- og ferðaþjónustunnar
Þann 8. júní næstkomandi stendur Starfsgreinasamband Íslands ásamt systursamtökum á Norðurlöndunum fyrir norrænni ráðstefnu gegn staðalmyndum og kynferðislegri áreitni innan hótel-, veitinga- og ferðaþjónustunnar. Ráðstefnan fer fram á Hótel Natura og má skrá sig til leiks fyrir 20. apríl 2015.
Tilgangur ráðstefnunnar er að miðla upplýsingum og aðferðum til að auka vitund og vinna gegn staðalmyndum og kynferðislegri áreitni. Ráðstefnan er opin öllum en sérstaklega er óskað eftir þátttöku starfsfólks innan ferðaþjónustunnar, trúnaðarmanna, starfsfólks stéttarfélaga og atvinnurekenda. Á ráðstefnunni verða kynnt dæmi úr hinu daglega lífi, rannsóknir á Norðurlöndunum verða reifaðar sem og ný íslensk rannsókn og fjallað um hvernig verkalýðsfélög hafa brugðist við vandanum. Þess er vænst að niðurstöður ráðstefnunnar verði kynntar víða, meðal aðila vinnumarkaðarins, meðal stjórnvalda og almennings.
Norðurlöndin eru þekkt fyrir að vera í fararbroddi í jafnréttisumræðunni og vinnuvernd og hafa markaðssett sig í sameiningu sem ákjósanlegan kost fyrir ferðamenn. Ferðaþjónusta hefur aukist um öll Norðurlönd og hefur kastljósi verkalýðsfélaga í auknum mæli verið beint að vinnuaðstæðum og öryggi starfsfólks á vinnustöðum tengdum ferðaþjónustunni. Kannanir meðal starfsfólks hafa sýnt að áreitni er áhyggjuefni innan ferðaþjónustunnar og nauðsynlegt að setja baráttuna gegn slíku á dagskrá, auka fræðslu um vandann og gera áætlanir um hvernig verði brugðist við honum. Ráðstefnan er liður í þessu og vonandi upphafið að nánara samstarfi verkalýðsfélaga, stjórnvalda og atvinnurekenda til að auka öryggi starfsfólks.
Til að auka umræðu og þekkingu á sviðinu hefur fjölda fyrirlesara með sérfræðiþekkingu á sviðinu verið boðið til landsins og munu þeir miðla af kunnáttu sinni. Vinnuskjöl og niðurstöður ráðstefnunnar verða sendar til fjölmiðla, aðila vinnumarkaðarins, stjórnvalda og fleiri í kjölfarið.
Ráðstefnan er styrkt af NIKK, Norræna upplýsingasetrinu um kynjafræði en hún er samstarfsverkefni sjö verkalýðsfélaga á Norðurlöndum: Starfsgreinasambandsins, Hotell och Restaurnag Facket í Svíþjóð, Fellesforbundet í Noregi, Faglig Fælles Forbund 3F í Danmörku, Nordisk Union for Hotell, Restauration, Catering och Turistbranschen í Danmörku, Servicebranschernas Fackförbund PAM í Finnlandi og MATVÍS á Íslandi.
Degi eftir ráðstefnuna, þann 9. júní halda skipuleggjendur vinnufund þar sem unnið verður úr ráðstefnunni og ákveðið hvernig skuli halda áfram samstarfi á þessu sviði.
[toggle title="Dagskrá"]
Ráðstefnunni stýrir Drífa Snædal, framkvæmdastjóri Starfsgreinasambands Íslands
Mánudagur 8. júní 2015
10:30 Skráning og kaffi
11:00 Setning og inngangur
Eygló Harðardóttir, félags- og húsnæðismálaráðherra ávarpar ráðstefnuna
Paula Mulinari, lektor við háskólann í Malmö, Svíþjóð flytur fræðsluerindi
12:00 Hádegismatur
13:00 Nýjustu rannsóknir um kynferðislega áreitni innan hótel-, veitinga- og ferðaþjónustunnar á Norðurlöndum kynntar
Steinunn Rögnvaldsdóttir, Ísland
NN, Noregi
Seija Virta, Finnland
Peter Lykke Nielsen, Danmörk
Joa Bergold, Svíþjóð
14:00 Dæmi úr raunveruleikanum kynnt
Elín Inga Bragadóttir & Margrét Helga Erlingsdóttir, Ísland
Ilse Werrenrath, lögfræðingur 3F í Danmörku
Claus Jervell, Verkefnastjóri jafnréttisumboðsmannsembættis Noregs
15:00 Kaffi
15:30 Pallborðsumræður: Hvaða ábyrgð bera aðilar vinnumarkaðarins á því að vinna gegn staðalmyndum og kynferðislegri áreitni innan hótel-, veitinga- og ferðaþjónustunnar?
Lizette Risgaard, varaforseti LO í Danmörku
Pontus Sjöstrand, formaður samninganefndar Visita í Svíþjóð
Malin Ackholt, formaður samninganefndar stéttarfélags hótel- og veitingahúsastarfsfólks í Svíþjóð
Paula Mulinari, Lektor við háskólann í Malmö, Svíþjóð
Seija Virta, Vinnumarkaðassérfræðingur hjá PAM í Finnlandi
Inngangserindi og stjórnandi pallborðs:
Sonja Schwarzenberger, rithöfundur og verkefnastjóri
17:30 Móttaka í boði Alþýðusambands Íslands
[/toggle]
[toggle title="Staður, stund og skráning"]
Tímasetning: Mánudagur 8. júní 2015, kl. 10:30 er skráning og kaffi. Dagskrá hefst kl. 11.00.
Staður: Hótel Natura, Reykjavík (Loftleiðir)
Skráning: Möguleiki á skráningu til 20. apríl hjá asta@sgs.is
Ráðstefnan er gestum að kostnaðarlausu
Boðið verður uppá túlkun á milli skandinavísku, finnsku og íslensku.
Nánari upplýsingar:
Drífa Snædal, framkvæmdastjóri Starfsgreinasambands Íslands, sími 562 6410, netfang: drifa@sgs.is.
Kristján Bragason, framkvæmdastjóri NU-HRCT, sími +45 889 21354, netfang: kristjan.bragason@3f.dk.
[/toggle]
Kynningarbréf og dagskrá ráðstefnunnar (PDF).